Япон Улсын “Онодера” групптай хамтарч ажиллана
Зургаан сарын сургалтын дараа бэлтгэгдсэн залуус Япон Улсад гурван жил ажиллаад эргэн ирж орон нутагтаа мэргэжлээрээ ажиллах юм
Япон Улсын “Онодера” групп гурван талт санамж бичгийн хүрээнд Хангайн бүс болон залгаа бүсүүдийн залууст мэргэжлийн анхан шатны баримжаа олгож, сургалт явуулж, дараа нь Япон Улсад дадлага, туршлага олгох цогц хөтөлбөр хэрэгжүүлэхээр төлөвлөжээ. Өөрөөр хэлбэл, “Онодера” групп аялал жуулчлалын чиглэлээр ресторан, зочид буудлын менежмент, зочид буудлын үйлчилгээ, хөтөч зэрэг мэргэжлээр хангайн бүсийн 100 залууг сургахаар сургалтаа Архангай аймагт эхлүүлэх гэж байна. Зургаан сарын сургалтын дараа бэлтгэгдсэн залуус Япон Улсад гурван жил ажиллаад эргэн ирж орон нутагтаа мэргэжлээрээ ажиллах юм.