Монгол Улс, Европын Холбоо Хүний эрхийн асуудлаар хэлэлцлээ
Талууд "Түншлэл, хамтын ажиллагааны тухай Монгол Улс, Европын Холбооны хоорондын хэлэлцээр"-ийг бүрэн хэрэгжүүлэх, хүний эрх, хууль дээдлэх чиглэлээр хамтын ажиллагаагаа улам бэхжүүлэхийн төлөө байна
Монгол Улс, Европын Холбооны Хүний эрхийн асуудлаарх ээлжит долоо дахь удаагийн яриа хэлэлцээг Улаанбаатар хотноо зохион байгуулав. Талууд "Түншлэл, хамтын ажиллагааны тухай Монгол Улс, Европын Холбооны хоорондын хэлэлцээр"-ийг бүрэн хэрэгжүүлэх, тэр дундаа хүний эрх, хууль дээдлэх чиглэлээр хамтын ажиллагаагаа улам бэхжүүлэхийн төлөө байгаагаа дахин нотлов. Мөн НҮБ-ын хүрээн дэх хоёр талын хамтын ажиллагаа, хэвлэлийн эрх чөлөө, жендерийн эрх тэгш байдал, эмэгтэйчүүдийг алагчлах бүх хэлбэрийг устгах, хүүхдийн эрх, уур амьсгалын өөрчлөлт зэрэг өргөн хүрээтэй асуудлаар санал солилцов. Монгол Улс, ЕХ цаашид хамтран хэрэгжүүлэх үйл ажиллагааны талаар санал солилцон ажиллахаар тогтов.