“Монгол хэл, бичиг” үзэсгэлэн Япон улсын Токио хотод боллоо
Япон улсад зохион байгуулагдсан “Монгол хэл, бичиг” уралдааны оролцогчид зэрэг нийт 65 бүтээл тавигдаж үзэгчдийн хүртээл боллоо
Гадаад улсад сурч, ажиллаж, амьдарч байгаа Монгол Улсын иргэд, хүүхэд багачуудад монгол эх хэл, бичиг үсэг сурах, үндэсний түүх, соёл, өв уламжлал, зан заншил, соёлын үнэт зүйлийг олон улсад сурталчлахад чиглэсэн “Монгол хэл, бичиг” үзэсгэлэн Япон улсын Токио хот дахь Монгол Улсын Элчин сайдын яамны хүндэтгэлийн танхим болон Миний Монгол сургуулийн Нихонбаши салбарт тус тус зохион байгууллаа. Үзэсгэлэнд Япон улсад зохион байгуулагдсан “Монгол хэл, бичиг” уралдааны оролцогчид, Япон дахь Монгол бичгийн “Нахиа” дугуйлангийн сурагчид, “Монголын сайхан бичигтэн” уран бичлэгийн олон улсын уралдаанд оролцогчдын зэрэг нийт 65 бүтээл тавигдаж үзэгчдийн хүртээл боллоо. Үзэсгэлэнг 200 гаруй хүн үзэж сонирхсон байна. Үзэсгэлэнтэй холбоотойгоор зохион байгуулсан “Монгол хэл, бичиг-бидний бахархал” сэдэвт сургалтад 53 оролцогч хамрагджээ.
Үзсэн: 1033
Tweet