Наурызын баяр Сүхбаатарын талбайд энэ сарын 22-ны өдөр болно
ЮНЕСКО 2012 онд Наурызын баярыг Дэлхийн халдашгүй соёлын өвд бүртгэсэн байна
Монгол түмний нэгээхэн хэсэг болсон казах үндэстний уламжлалт Наурызын баяр Сүхбаатарын талбайд энэ сарын 22-ны өдөр болно. Энэ хүрээнд соёл, урлагийн концерт, казах үндэсний бөхийн барилдаан, гар урлалын үзэсгэлэн, казах гэр, гар урлал, уран бүтээлийн танилцуулга, Наурызын баярын идээ зоог, көже шөл зэргийг сурталчлахаар төлөвлөсөн байна. Наурыз нь казах соёлоор байгаль дэлхий өвлийн нойрноосоо сэрдэг өдөр бөгөөд Нарны баяр нь өдөр, шөнө тэнцдэг өдөр тохиодгоороо онцлогтой юм. Монгол Улсын нийт хүн амын дөрвөн хувийг казах түмэн эзэлдэг байна. НҮБ-ын Ерөнхий Ассамблейн 64 дэх хуралдааны үеэр Наурызыг Олон улсын баяр болгон баталжээ. Мөн ЮНЕСКО 2012 онд Наурызын баярыг Дэлхийн халдашгүй соёлын өвд бүртгэсэн байна.
Үзсэн: 1337
Tweet