Тусгай олимпийн наадам Итали Улсын Турин хотноо боллоо
Монгол Улсын хувьд 6 спортын төрөлд 24 тамирчин өрсөлдөж 2 алт, 3 мөнгө, 4 хүрэл медаль хүртжээ
Дөрвөн жил тутамд зохион байгуулдаг тусгай олимпийн наадам Итали Улсын Турин хотноо боллоо. Уг олимпод найман спортын төрөлд 103 орны 1500 тамирчин өрсөлдсөн байна. Харин Монгол Улсаас 24 тамирчин уулын цана, гүйлтийн цана, снөубоурд, цасны гуталтай гүйлт, бүжиг, бөмбөгтэй заалны хоккейн төрөлд амжилттай өрсөлдөв. Монгол Улсын хувьд 6 спортын төрөлд 24 тамирчин өрсөлдөж 2 алт, 3 мөнгө, 4 хүрэл медаль хүртжээ. Тодруулбал, цасны гуталтай гүйлтийн 800 метрийн зайд Т.Дэлэгжаргал, уулын цанын төрөлд Б.Азжаргал нар алтан медаль хүртсэн сайхан амжилт үзүүлжээ.