Морин хуур найрал хөгжим ирэх гуравдугаар сард Чех улсад тоглоно
Монгол Улс, Бүгд Найрамдах Чех Улсын хооронд дипломат харилцаа тогтоосны 75 жилийн ойн хүрээнд зохион байгуулж буй “Монголын сайхан орон” тоглолтод Чех улсад аж төрж буй иргэдээ хүрэлцэн ирэхийг урив
Монгол Улсын төрийн дээд шагнал Тэргүүн зэргийн “Чингис хаан” одонт, Соёлын элч Улсын филармонийн Морин хуур найрал хөгжим ирэх гуравдугаар сард Чех улсын филармони “Рудольфинум”-ын тайзнаа тоглох гэж байна. Монгол Улс, Бүгд Найрамдах Чех Улсын хооронд дипломат харилцаа тогтоосны 75 жилийн ойн хүрээнд зохион байгуулж буй “Монголын сайхан орон” тоглолтод Чех улсад аж төрж буй иргэдээ хүрэлцэн ирэхийг Монгол Улсаас Чех улсад суугаа ЭСЯ урьж байна. Ташрамд дурдахад, "Морин хуур" найрал хөгжмийн шилмэл уран бүтээлийн “Сүүн зам” тоглолт хоёрдугаар сард Соёлын төв өргөөний тайзнаа болно.