Узбекистан улстай хамтын ажиллагаагаа өргөжүүлнэ
Узбекистан нь эдийн засгийн үзүүлэлтээрээ хөгжиж буй орны тоонд багтдаг, далайд гарцгүй гэхчлэн манай улстай адил төстэй зүйл олон бий
Монгол, Бүгд Найрамдах Узбекистан улсын Худалдаа, эдийн засаг, шинжлэх ухаан, техникийн хамтын ажиллагааны Засгийн газар хоорондын комиссын хуралдаанаар Улаанбаатар, Ташкент хотод худалдаа-эдийн засгийн төлөөлөгчийн газрыг байгуулах үүргийг хоёр орны ХАҮТ-ууд хүлээлээ. Узбекистан нь эдийн засгийн үзүүлэлтээрээ хөгжиж буй орны тоонд багтдаг, далайд гарцгүй гэхчлэн манай улстай адил төстэй зүйл олон бий. Тиймээс дэд бүтэц, тээвэр, логистик, хөдөө аж ахуй, хөнгөн үйлдвэрийн чиглэлд хамтран ажиллах, давуу тал нөөц боломжоо харилцан ашиглах, хоёр улсын худалдааны саад тотгорыг багасгах талаар хэлэлцэж, харилцаагаа өргөжүүлж байна. Хуралдаанд Монгол Улсын талаас УИХ-ын гишүүн, Шадар сайд С.Амарсайхан тэргүүтэй төлөөлөгчид оролцжээ.
Үзсэн: 29
Tweet