Залуу озеки Хоошёорюү С.Бямбасүрэн хацу башёд түрүүллээ
Мэргэжлийн сумод монгол бөхчүүд хөл тавьснаас хойш 23 жилийн хугацаанд 103 дахь түрүүг озэки Хоошёорюү С.Бямбасүрэн хүртэж байна
Мэргэжлийн сумо бөхийн Хацү башё өндөрлөж Монголын сумоч, залуу озеки Хоошёорюү С.Бямбасүрэн 12 даваа, гурван унаатайгаар түрүүлж, Японы эзэн хааны цомыг хоёр дахиа өргөлөө. С.Бямбасүрэн Хацү башёгийн сүүлчийн өдөр түрүү булаалдахын төлөө хоёр нэмэлт барилдаан хийсэн бөгөөд Казахстаны сумоч Кинбозан, их аварга Тайхогийн зээ хүү Оохо нарыг давсан юм. Мэргэжлийн сумод монгол бөхчүүд хөл тавьснаас хойш 23 жилийн хугацаанд 103 дахь түрүүг озэки Хоошёорюү С.Бямбасүрэн хүртэж байна. Мэргэжлийн сумод их аварга Хакүхо М.Даваажаргал 45, Асашёорюү Д.Дагвадорж 25, ёкозүна Тэрүнофүжи Г.Ган-Эрдэнэ 10, Харүмафүжи Д.Бямбадорж ес, Какүрюү М.Ананд зургаа, озэки Хоошёорюү С.Бямбасүрэн, маэгашира Тамаваши Б.Мөнх-Оргил, Киришима Б.Лхагвасүрэн нар тус бүр хоёр, Кёкүтэнхо Н.Цэвэгням, Ичиножёо А.Ичинноров нар тус бүр нэг удаа түрүүлсэн юм. Мөн сумогийн 73 дахь аварга Тэрүнофүжи башёгийн дундуур зодог тайлах шийдвэрээ зарласан нь онцлог байлаа.
Үзсэн: 875
Tweet