Монгол Улс дахь Суурин төлөөлөгчөөр Матью Ле Блан-г томиллоо
Ноён Ле Блан нь ОУСК-ын Монгол дахь хөрөнгө оруулалт болон зөвлөх үйлчилгээний үйл ажиллагааг зохион байгуулан ажиллана
Дэлхийн банк группын гишүүн, Олон улсын санхүүгийн корпорацын Монгол Улс дахь Суурин төлөөлөгчөөр Матью Ле Блан томилогдсоныг тус байгууллагаас мэдээллээ. Ноён Ле Блан нь ОУСК-ын Монгол дахь хөрөнгө оруулалт болон зөвлөх үйлчилгээний үйл ажиллагааг зохион байгуулан ажиллах бөгөөд эдийн засгийг төрөлжүүлэх, шинэ ажлын байр бий болгох, тогтвортой хөгжлийг дэмжих зэрэг зорилт болон Дэлхийн банк группын Монгол Улс дахь стратегийн чиглэлүүдийн дагуу ажиллах юм. Тэрбээр Төв Европ, Кавказын бүс нутаг, Төв Ази ба Монгол Улсад хувийн хэвшлийн хөгжил, дэд бүтцийн төсөл хөтөлбөрүүдэд 25 гаруй жил ажилласан туршлагатай, нарны эрчим хүчний халаалт, эрчим хүчний үр ашгийн төсөл санаачилгуудыг удирдаж байв.