Чингис хаан музейд зочлов
Энэ үеэр 2021 онд Олон Улсын Түрэг Академийн ерөнхийлөгч Дархан Кадырилийн бэлэглэсэн Зүчи хааны бунхны макетийг үзэж сонирхов
Бүгд Найрамдах Казахстан Улсын Ерөнхийлөгч Касым-Жомарт Кемелевич Токаев манай улсад төрийн айлчлал хийлээ.Төрийн айлчлалын хүрээнд ерөнхийлөгч К.Токаев болон албаны төлөөлөгчдийг Чингис хаан Үндэсний музейн захирал, академич С.Чулуун угтан авч Чингис хаан Үндэсний музейн Монголын төрт ёсны түүх, соёлтой танилцуулан тайлбар хийлээ. Энэ үеэр 2021 онд Олон Улсын Түрэг Академийн ерөнхийлөгч Дархан Кадырилийн бэлэглэсэн Зүчи хааны бунхны макетийг үзэж сонирхож, томоохон бүтээн байгуулалт хийж, олдворуудаар баялаг Монголын түүхийг нэгэн дор харах боломжийг бүрдүүлсэн сайхан музей байгуулсанд талархлаа илэрхийлээд, дахин ирж үзнэ хэмээв. Тэрбээр Чингис хаан Үндэсний музейд зочлож буй долоо дахь улсын ерөнхийлөгч юм. Хүндэт зочин танхимуудаар зочилсны дараагаар музейн "Хүндэт дэвтэр"-т талархсан сэтгэлийн үгээ бичиж, гарын үсэг зурсан нь хоёр улсын харилцаанд түүх болон үлдлээ.
Үзсэн: 823
Tweet