“Welcome home-3” үзэсгэлэн Өмнөговь аймагт гарна
Үзэсгэлэнд Тарвозавр Батаар, Протоцератопс тэргүүтэй 4 төрлийн 11 ширхэг үлэг гүрвэлийн гавлын ясны олдворуудыг дэглэнэ
Үлэг гүрвэлийн өлгий нутаг Өмнөговь аймгийн Говийн байгаль, түүхийн музейн үзэсгэлэнгийн танхимд “Welcome home-3” түр үзэсгэлэнг наймдугаар сарын 25-наас дэлгэнэ. Үзэсгэлэнд Тарвозавр Батаар, Протоцератопс тэргүүтэй 4 төрлийн 11 ширхэг үлэг гүрвэлийн гавлын ясны олдворуудыг дэглэсэн юм. Даланзадгад хотын иргэд болон тус хотод аялж байгаа гадаад дотоодын жуулчдыг Говийн байгаль, түүхийн музейгээр зочлон түүхийн нэгэн цаг хугацаагаар аялахыг Говийн байгаль, түүхийн музей урилаа. Монголоос гаралтай үлэг гүрвэлийн олдворуудыг 2013 оноос эхлэн эх орондоо авчирч, одоогоор 5 дахь удаагаа татан аваад байна.
Үзсэн: 2564
Tweet