“Парис-2024” зуны XXXIII Олимпын наадмын мөнгөн медальтан боллоо
Үндэсний шигшээ багийн тамирчин Б.Баасанхүү Олимпын мөнгөн медаль хүртсэн Монгол Улсын 12 дахь тамирчин болж байна
Үндэсний шигшээ багийн тамирчин Б.Баасанхүү “Парис-2024” зуны XXXIII Олимпын наадмын мөнгөн медальтан боллоо. Тэрбээр олимпын наадмын алтан медалийн төлөө “Ханжоу-2022” Азийн наадмын аварга, “Доха-2023” дэлхийн аварга шалгаруулах тэмцээний алтан медальт Цунадо Нацүмитай өрсөлдөж ялагдсанаар ийнхүү мөнгөн медаль хүртэв. Ингэснээр Б.Баасанхүү Олимпын мөнгөн медаль хүртсэн Монгол Улсын 12 дахь тамирчин, жүдо бөхийн спортын түүхэнд 5 дахь мөнгө түүн дотор эмэгтэй жүдочдын олимпын мөнгөн медальтай хоёр дахь бөх болж байна. Мөн Монголын жүдо бөхийн баг тамирчид Олимпын наадмаас анхлан медаль хүртсэн түүхэн цаг үеэс хойш 44 жилийн дараа ийнхүү мөнгөн медаль хүртлээ.
Үзсэн: 1597
Tweet