“Алтаргана-2024” их наадмыг долдугаар сарын 26-28-нд Булган аймагт зохион байгуулна
Зохион байгуулагчдын зүгээс наадамд 34 орны 50 мянга гаруй буриад хүн хүрэлцэн ирнэ гэж тооцоолжээ
Буриад түмний өв соёл, уламжлал, зан заншлыг хадгалж, өвлүүлэн уламжлуулах, дэлхийгээр тархсан Буриад зоныг нэгтгэх зорилготой “Алтаргана-2024” их наадмыг долдугаар сарын 26-28-нд Булган аймагт зохион байгуулна. Зохион байгуулагчдын зүгээс наадамд 34 орны 50 мянга гаруй буриад хүн хүрэлцэн ирнэ гэж тооцоолжээ. Энэ жилийн Олон улсын наадам нь залуучууд, хүүхдүүдэд буриад үг хэллэгийг таниулан сурталчлах, өвлүүлэн үлдээх зорилготой. Алтаргана наадмыг Хэнтий аймгийн Дадал суманд 1994 онд буриад дууны уралдаан нэртэй анх эхлүүлснээс хойш өдгөө олон улсыг хамарсан буриад ардын урлаг, уламжлалт зан заншлын баяр болгон 15 дахь удаагаа зохион байгуулна. Эхний жилүүдэд Хэнтий, Дорнод аймгийн буриадууд амьдардаг сумдын хэмжээнд уламжлалт дуу хуур, бүжиг наадмаа сурталчилсан шинжтэй наадам болж байсан ч жилээс жилд өргөжин, дэлхийн өнцөг булан бүрд амьдарч буй буриад зон оролцдог болжээ.
Үзсэн: 3128
Tweet