“Эх дэлхийгээ анагаахуй” үзэсгэлэнг ХБНГУ-ын Дюссельдорф хотын музейд нээлээ
“Эх дэлхийгээ анагаахуй” үзэсгэлэнгийн нэр нь Йозеф Бойс хэмээх герман уран бүтээлчийн бүтээлүүдээс эхтэйг тодотгож байв
Монгол болон олон улсын уран бүтээлчдийн “Эх дэлхийгээ анагаахуй” үзэсгэлэнг ХБНГУ-ын Дюссельдорф хотын музейд нээлээ. Эх дэлхийгээ анагаахуй төслийг Монгол Улс, ХБНГУ-ын хооронд дипломат харилцаа тогтоосны 50 жилийн ойд зориулан гаргаж буйгаараа онцлог юм. Мөн тус үзэсгэлэнг зохион байгуулахад Монгол Улсын Чингис Хаан Үндэсний музей хамтран ажилласан байна. “Эх дэлхийгээ анагаахуй” үзэсгэлэнгийн нэр нь Йозеф Бойс хэмээх герман уран бүтээлчийн бүтээлүүдээс эхтэйг тодотгож байв. Йозеф Бойс нь байгалийн баялагтай буруу харьцахын хор уршиг, барууны ертөнцөд тулгамдаж буй асуудлыг тухайн үедээ тод томруун хөндөж байсан уран бүтээлч аж.