Олон улсын хэмжээний мастер Б.Баасанхүү алтан медаль хүртэв
Эхний өдөр Монгол Улсын шигшээ баг тамирчдаас эмэгтэйчүүдийн 48 кг-ын жинд өрсөлдсөн Ази тивийн аварга, олон улсын хэмжээний мастер Б.Баасанхүү алтан медаль хүртэж, төрийн дууллаа эгшиглүүлэв
АНЭУ-ын Абу Даби хотноо жүдо бөхийн 2024 оны дэлхийн аварга шалгаруулах тэмцээнээс олон улсын хэмжээний мастер Б.Баасанхүү алтан медаль хүртэв. Тодруулбал, эхний өдөр Монгол Улсын шигшээ баг тамирчдаас эмэгтэйчүүдийн 48 кг-ын жинд өрсөлдсөн Ази тивийн аварга, олон улсын хэмжээний мастер Б.Баасанхүү алтан медаль хүртэж, төрийн дууллаа эгшиглүүлэв. Манай тамирчин Монголын жүдочдын зургаа дахь алтан медалийг хүртсэн нь энэ. Б.Баасанхүү 2024 он улсын аварга, Азийн аварга, Душанбегийн “Их дуулга”, дэлхийн аварга гэсэн дөрвөн том тэмцээнд дараалан түрүүлж байна. Ингэснээр тэрээр Парисын олимпыг зорих тийзээ захиаллаа.
Үзсэн: 1328
Tweet