“Чингис хаан-Монголчууд дэлхийг өөрчилсөн нь” үзэсгэлэнгийн нээлтийн ёслол Нант хотод боллоо

Densmaa 2023-10-16 11:10

Түүх

“Чингис хаан-Монголчууд дэлхийг өөрчилсөн нь” үзэсгэлэн нь 555 үзмэрээс бүрдсэн бөгөөд үзмэрийг “Чингис хаан” үндэсний музей, Хархорум музей мөн Францын Лувр зэрэг 20 гаруй музейгээс татан дэлгэжээ

      Монгол Улсын Ерөнхийлөгч Ухнаагийн Хүрэлсүх, Бүгд Найрамдах Франц Улсын Ерөнхийлөгч Эммануэл Макрон нарын ивээл дор зохион байгуулж буй “Чингис хаан-Монголчууд дэлхийг өөрчилсөн нь” үзэсгэлэнгийн нээлтийн ёслол Нант хотын түүхийн музейд боллоо. Арга хэмжээг нээж Монгол Улсын Ерөнхийлөгч Ухнаагийн Хүрэлсүх хэлэхдээ,  энэхүү үзэсгэлэн нь монгол хаадын албан бичиг, захидлыг дэлгэн үзүүлж, Монголын түүх, соёлын сор болсон үзмэрийг олон түмний хүртээл болгож, монголчуудын нүүдлийн соёл иргэншлийн өв соёлыг олон улсад таниулах таатай боломжийг олгож байгааг онцлов. “Чингис хаан-Монголчууд дэлхийг өөрчилсөн нь” үзэсгэлэн нь 555 үзмэрээс бүрдсэн бөгөөд үзмэрийг “Чингис хаан” үндэсний музей, Монголын үндэсний музей, Хархорум музей, ШУА-ийн Археологийн хүрээлэн, хувь цуглуулагч, мөн Францын Лувр (Louvre), Франц Улсын Ерөнхийлөгч асан Жак Ширакийн нэрэмжит Брэнли музей болон Берлин, Цюрих, Брюселийн музей зэрэг дэлхийн алдартай 20 гаруй музейгээс татан дэлгэн үзүүлж байна. Үзэсгэлэн ирэх оны тавдугаар сарын 5-ны өдрийг дуустал зургаан сарын хугацаанд үргэлжилнэ.