ЭЕШ-ын шалгалтаа өгч дууслаа
Энэ жилийн шалгалтад 31 мянга гаруй сурагч хамрагдаж, хамгийн олон буюу 21 мянга гаруй шалгуулагч математикийн хичээлээр шалгалт өгсөн байна
Төгсөх ангийн сурагчид ЭЕШ-ын шалгалтаа өгч дууслаа. Энэ жилийн шалгалтад 31 мянга гаруй сурагч хамрагдаж, хамгийн олон буюу 21 мянга гаруй шалгуулагч математикийн хичээлээр шалгалт өгсөн байна. Харин хамгийн цөөн буюу 787 шалгуулагч Орос хэлний хичээлээр ЭЕШ өгчээ. Энэ өдрүүдэд их дээд сургуулийн элсэлт эхэлж байна. Өнгөрсөн онд улсын хэмжээнд 800 оноо авсан 208 шалгуулагч байсан бол энэ жил 158 суралцагч хамгийн өндөр оноо авсан байна. Хичээлээр нь ангилан авч үзвэл: Математикийн хичээл: 30, Англи хэл: 33, Орос хэл: 30, Нийгмийн ухаан: 20 сурагч хамгийн өндөр оноо авч хүссэн сургуульдаа үнэ төлбөргүй суралцах эрхтэй болж байна.