Сөүл хотноо төрийн үйлчилгээний “ХУРДАН” цэгийн үйл ажиллагааг нээлээ
![](http://www.vom.mn/uploads/images/2023-03/2023_03_24-09_55_06_x3.png)
Монгол Улсаас БНСУ-ын Сөүл хотод суугаа Элчин сайдын яамны консулын хэлтсийн байранд төрийн үйлчилгээний “ХУРДАН” цэгийн үйл ажиллагааг нээлээ.
Ингэснээр тус улсад оршин суугаа 53 мянган иргэн үйлчилгээний оператороос 440 төрлийн үйлчилгээ, киоск машинаас 70 гаруй төрлийн лавлагаа, тодорхойлолт, тоон гарын үсгээ үнэ төлбөргүй, шуурхай авах боломж бүрдэж байгаа юм. “Монгол Улсын Ерөнхий сайд Л.Оюун-Эрдэнэ 2023 оны хоёрдугаар сард БНСУ-д албан ёсны айлчлал хийхдээ энд оршин суугаа монгол иргэдэд нэн тулгамдсан арван асуудлыг шийдвэрлэхээ хэлсэн. Эдгээр асуудлын нэг нь төрийн цахим үйлчилгээ байсан юм. ЦХХХ-ны дэд сайд Ж.Эрхэмбаатарын хэлснээр цаашид үйлчилгээний төрөл, тоог нэмэгдүүлж, 55 байгууллагын 800 орчим үйлчилгээг “ХУРДАН” цэгээр хүргэхээр ажиллаж байна гэлээ. “ХУРДАН” цэгийг мөн Сөүл хот дахь Хөдөлмөр, нийгмийн хамгааллын үйлчилгээний төвийн байр болон Бусан хотод суугаа Элчин сайдын яамны консулын хэлтэст нээхээр төлөвлөж байгаа юм байна.
Үзсэн: 1363
Tweet