“Уяхан замбуутивийн наран” урлагийн их наадам болно

Densmaa 2019-07-29 11:07

Соёл уламжлал

Наадамд 3000 морин хуурч, уртын дуучид оролцох юм

   Дундговь аймгийн Их газрын чулууны уулын задгай театрт “Уяхан замбуутивийн наран”  урлагийн их наадам ирэх наймдугаар сард  болно. Наадамд 3000  морин хуурч, уртын дуучид оролцох юм. Наадмын хөтөлбөрт “Мөнх тэнгэртээ өргөх дуун цацал” 3000 морин хуурч, уртын дуучийн тоглолтоос гадна Монгол туургатны язгуур урлагийн “Эх ундарга” тоглолт, “Уран үгсийн чуулган” яруу найргийн цэнгүүн, урлаг соёлын алдартнуудын нэгдсэн тоглолт болно. Энэ үеэр “Нар угтах ёслол”, монгол өв соёл, ёс заншил, аж байдлыг харуулсан үзүүлбэр, олон улсын зураачдын уран бүтээлийн “Хөх салхи” үзэсгэлэн, бэсрэг наадам, айрагны баяр, “Монгол хувцас” загварын шоу болох ажээ.