Үндэсний Их баяр наадам өнөөдөр Урианхай сурын харваагаар эхэлж байна
Урианхай сурын харваанд зөвхөн эрэгтэй харваачид оролцдогоороо онцлогтой
Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний Их баяр наадам өнөөдөр Урианхай сурын харваагаар эхэлж байна. Жил бүрийн үндэсний их наадмын салхийг хагалдаг уламжлалт урианхай сурын харваанд зөвхөн эрэгтэй харваачид оролцдогоороо онцлогтой. Монголын Урианхай угсаатны уламжлалт “хавчаахай” буюу эвэр нумаар 350-450 гр жинтэй зангидсан суран байг онож цэц мэргэнээ сорин нааддаг. Сум нь 90-100 см урт, 50-60 гр жинтэй байдаг. Эрийн гурван наадмын хүчит бөх, сур харваа, хурдан морь нь монголчуудын уламжлалт ёс, зан заншлыг эрт дээр үеэс уламжилж ирсэн түүхэн онцлогтой, Монголын өв соёл, наадам билээ.