Алт худалдан авалт өслөө
Монголбанк өнгөрсөн сард 3.4 тонн алт худалдан авсан нь өмнөх оны мөн үеэс 34 хувийн өсөлттэй байна.
Монголбанк Дархан-Уул болон Баянхонгор аймагт сорьцын лаборатори байгуулан, алт худалдан авалтын нэг цэгийн төв нээсэн бол ирэх онд дахин хоёр аймагт нээхээр боллоо. Аравдугаар сарын 15-наас 31-ний өдрийн байдлаар Дархан-Уул аймаг дахь Монголбанкны хэлтэс 33.4 кг алт, Баянхонгор аймаг дахь Монголбанкны салбар 16.7 кг алтыг худалдаж авчээ. Өнгөрсөн сард нэг грамм алт худалдан авах Монголбанкны дундаж үнэ 99,911.55 төгрөг байв.