“Coal Mongolia-2018” чуулга уулзалт эхэллээ

Densmaa 2018-09-04 05:09

Эдийн засаг

Найм дахь удаагаа болж буй чуулганд 15 орны 600 орчим төлөөлөгч оролцож байна.

   Нүүрсний салбарын худалдаа, хөрөнгө оруулалтын олон улсын “Coal Mongolia-2018” чуулга уулзалт эхэллээ. Найм дахь удаагаа болж буй чуулганд 15 орны 600 орчим төлөөлөгч оролцож байна. Энэ удаагийн чуулга уулзалтанд Монголоос нүүрс худалдан авах сонирхолтой Хятадын тээвэр ложистик, худалдааны компаниуд болон хөрөнгө оруулагчдын тоо эрс нэмэгдэж байгааг зохион байгуулагчдын зүгээс хэлж байна.
   Энэ жилийн чуулганаар өрсөлдөх чадвараа нэмэгдүүлэх, экспортын нэвтрүүлэх чадварыг сайжруулах зэрэг асуудлыг хөндөнө. “Хятадын коксжих нүүрсний зах зээл, эрэлт, нийлүүлэлт, үнэ, өрсөлдөөн”, "Шилжилтийг чиглүүлэх нь", "Хятадын коксжих нүүрсний импортын чиг хандлага" илтгэлийг хэлэлцүүлэх аж.