ОРОН НУТАГТ ҮЙЛДВЭРЛЭЖ БУЙ ГОО САЙХНЫ БҮТЭЭГДЭХҮҮНИЙ НЭР ТӨРӨЛ НЭМЭГДЖЭЭ
Чацаргана, кофе, зуун наст, батганы эсрэг үйлчилгээтэй хар савангаар нэр төрлөө нэмэгдүүлсэн байна.
Говь-Алтай аймагт “Altai beauty” нэрийн уруулын будаг, саван, алжаал тайлагч ванны бөмбөлөг, энергийн лаа, машины үнэртүүлэгч гэх мэт гоо сайхны бүтээгдэхүүн үйлдвэрлэж байна. Өнгөрсөн хоёрдугаар сард хонины сүүлний тос болон хүнсний сода, оливын тос гэх мэт бүтээгдэхүүн агуулагдсан байгалийн гаралтай нийт таван нэр төрлийн бүтээгдэхүүнийг гар аргаар үйлдвэрлэж байсан бол өдгөө чацаргана, кофе, зуун наст, батганы эсрэг үйлчилгээтэй хар савангаар нэр төрлөө нэмэгдүүлсэн байна. Хонины сүүлэнд ханаагүй тосны хүчил их, тэжээллэг чанар өндөртэй кальци, уургийн агууламж ихтэй тул хүний бие организмд хамгийн тохиромжтой, шингэц сайтай байдаг ажээ.
Үзсэн: 1149
Tweet