“ГАЗАР БОЛ БАЯЛАГ, ГАЗРАА ХАМГААЛАХАД ХӨРӨНГӨ ОРУУЛЪЯ”
ДЭЛХИЙН ЦӨЛЖИЛТТЭЙ ТЭМЦЭХ ӨДРИЙГ “ГАЗАР БОЛ БАЯЛАГ, ГАЗРАА ХАМГААЛАХАД ХӨРӨНГӨ ОРУУЛЪЯ” УРИАН ДОР ЗОХИОН БАЙГУУЛЛАА
Жил бүрийн 6-р сарын 17-ны өдрийг Дэлхийн цөлжилттэй тэмцэх өдөр хэмээн НҮБ-аас тодорхойлсон байдаг билээ. Энэ жил Дэлхийн цөлжилтийн өдрийг тохиолдуулан “Газар бол баялаг, газраа хамгаалахад хөрөнгө оруулъя” уриатайгаар “Газрын доройтлыг тэглэх технологи, арга барил ба хөрөнгө оруулалт” хэлэлцүүлгийг зохион байгууллаа. Дэлхийн уур амьсгалын дулаарал, өөрчлөлтөөс улбаалан байгалийн гамшигт үзэгдэл болох, бэлчээрийн талхагдал, газрын доройтол, хөрсний бохирдол, цөлжилтийн эрчимжилт ихсэж байгааг эрдэмтэн, судлаачид нотолсон. Тиймээс газрын доройтлыг тэглэх зорилтоор хөрөнгө оруулалтын орчныг хэрхэн бүрдүүлэх, үндэсний хэмжээнд газрын баялагт түшиглэсэн аж ахуй эрхлэх байгууллагуудад учрах бэрхшээл болон тэдгээрийг шийдвэрлэх арга замыг хэлэлцлээ.
Үзсэн: 1620
Tweet