Биднийг дагаарай:
Хэл солих: Mongolian (Cyrillic)

Хэл солих:

Нэвтрүүлэг 2018-08-19
mongol

Шинэ мэдээ

ЭЛЧИН САЙД Л.ПҮРЭВСҮРЭН РОМЫН ПАП ФРАНЦИСТ ИТГЭМЖЛЭХ ЖУУХ БИЧГЭЭ БАРИВ


Densmaa 2018-05-21 12:05

Ватиканы Архив, Номын санд хадгалагдаж байгаа Монголын Эзэнт гүрний түүхэн баримт, эх сурвалжуудыг судлах судалгааны ажлыг сэргээн үргэлжлүүлэх талаар санал солилцов.

   Монгол Улсаас Гэгээн Ширээт Улсад суух Онц бөгөөд Бүрэн эрхт Элчин сайд Л.Пүрэвсүрэн 2018 оны 05 дугаар сарын 17-ны өдөр Ромын Пап Гэгээн Хутагт Францист Итгэмжлэх жуух бичгээ барьж, Монгол Улсын Ерөнхийлөгч Х.Баттулгын мэндчилгээг уламжиллаа.

  Итгэмжлэх жуух бичгээ барьж байгаатай холбогдуулан Гэгээн Ширээт Улсын Төрийн нарийн бичгийн дарга буюу Засгийн газрын тэргүүн Тэргүүн хамба Петро Паролин, Гадаад улс орнуудтай харилцах асуудал эрхэлсэн Нарийн бичгийн дарга Тэргүүн хамба Пол Ричард Галлагер, Засгийн газрын хэрэг эрхлэх газрын орлогч дарга Пауло Боржиа нар Элчин сайд Л.Пүрэвсүрэнг тус тус хүлээн авч уулзав. Уулзалтуудын үеэр 2000 оноос анх хэрэгжиж байсан Ватиканы Архив, Номын санд хадгалагдаж байгаа Монголын Эзэнт гүрний түүхэн баримт, эх сурвалжуудыг судлах судалгааны ажлыг сэргээн үргэлжлүүлэх, Ватиканы музейтэй хамтран түүх, соёлын үзэсгэлэн гаргах боломжийг эрэлхийлэхээр тохиролцож, мөн шашин хоорондын яриа хэлэлцээг олон улсын тавцанд идэвхжүүлэх чиглэлээр хамтран ажиллахаар талаар санал солилцов.

Үзсэн: 180

Сэтгэгдлүүд


account_circle
email
mode_edit

Сэтгэгдэл (0)

Энэ мэдээнд одоогоор сэтгэгдэл алга байна