Сайд нар орон нутагт ажиллаж байна
Засгийн газрын гишүүд Гурвантэс сум дахь Стратегийн ач холбогдолтой нүүрсний орд газрууд, Саус Гоби сэндс, Өсөх зоос, МАК компаниудын ажилтай танилцаж, тулгамдсан асуудлын талаар мэдээлэл сонслоо.
Засгийн газрын тэргүүн, танхимын гишүүд хөдөө орон нутагт ажиллаж байна. Ерөнхий сайд У.Хүрэлсүх тэргүүтэй танхимын дөрвөн гишүүн Өвөрхангай, Баянхонгор, Говь-Алтай аймагт, УУХҮ-ийн сайд Д.Сумъяабазар, ЗТХ-ийн сайд Ж.Бат-Эрдэнэ, БОАЖ-ийн сайд Н.Цэрэнбат нар Өмнөгөвь аймагт тус тус албан томилолттой явна.
Өмнөговь аймагт ажиллаж байгаа Засгийн газрын гишүүд Гурвантэс сум дахь Стратегийн ач холбогдолтой нүүрсний орд газрууд, “Саус Гоби сэндс”, “Өсөх зоос”, “Монголын алт” компаниудын ажилтай газар дээр нь танилцаж, тулгамдсан асуудал, шийдвэрлэх шаардлагатай зүйлсийн талаар ажилтан албан хаагчдаас мэдээлэл сонссон байна. Тэд Гурвантэс сумын иргэдтэй уулзаж, Шивээ хүрэнгийн боомтод ажиллах юм.
Үзсэн: 1376
Tweet