ГАДААД ХӨРӨНГӨ ОРУУЛАЛТ 7 ХУВЬ БУЮУ 2.2 ТЭРБУМ АМ.ДОЛЛАРООР ӨСЧЭЭ

Densmaa 2018-02-23 06:02

Эдийн засаг

Ипотекийн зээлийг нийт 93174 иргэнд олгосон бөгөөд үлдэгдэл нь 4.3 их наяд төгрөг байна.

    Монголбанкнаас мөнгө санхүүгийн 2018 оны нэгдүгээр сарын статистикийг танилцууллаа. 2018 оны 1 дүгээр сард мөнгөний нийлүүлэлт 15.8 их наяд төгрөгт хүрчсэн байна. Энэ нь өмнөх оны мөн үеэс 31.7 хувь өссөн дүн юм. Нийлүүлэлтийн дийлэнх буюу 55 хувийг мөнгөн хадгаламж эзэлж байгаа бол бусад хувийг валютын хадгаламж, валют, төгрөгийн харилцах, банкнаас гадуурх мөнгө эзэлж байна.  Арилжааны банкуудаас иргэд, ААН-үүдэд олгосон зээлийн үлдэгдэл 13.5 их наяд төгрөгт хүрчээ. Хамгийн их буюу 22 хувийг цалин, тэтгэвэр, хэрэглээний зээл эзэлж буй бол худалдааны зээл 14, үл хөдлөх хөрөнгө буюу ипотекийн зээл 13 хувь, барилгын салбарт 9, уул уурхайн салбарт 8 хувь ногдож байгаа аж.