Гадаад худалдааны бараа эргэлт өсчээ
Тодруулбал экспорт 37 хувиар, импорт 27 хувиар өссөн байна
Энэ оны эхний найман сарын гүйцэтгэлээр гадаад худалдааны нийт бараа эргэлтийн хэмжээ өнгөрсөн оны мөн үеэс 32.7 хувиар өссөн тухай Төвбанкнаас мэдээллээ. Тодруулбал экспорт 37 хувиар, импорт 27 хувиар өсчээ. Мөн дээрх хугацаанд экспортын дүн импортын дүнгээс давснаар гадаад худалдааны тэнцэл ашигтай гарч, өнгөрсөн оны мөн үеэс 528 сая ам.доллараар өссөн үзүүлэлт гарчээ. Хөрш орнуудтай хийсэн худалдааг авч үзвэл, нийт бараа эргэлтийн 64.4 хувийг БНХАУ улстай хийсэн худалдаа эзэлж байгаа бол 12.3 хувийг ОХУ-тай хийжээ. БНХАУ-тай хийсэн худалдаа өнгөрсөн оны мөн үеэс 41.5 хувиар, ОХУ-тай хийсэн худалдаа 38 хувиар өссөн дүнтэй байна.
Үзсэн: 1454
Tweet