Биднийг дагаарай:
Хэл солих: Mongolian (Cyrillic)

Хэл солих:

Нэвтрүүлэг 2017-08-22
mongolia

Шинэ мэдээ

БНХАУ-ын Фужиан мужтай худалдаа, эдийн засгийн хамтын ажиллагаагаа хөгжүүлнэ


Densmaa 2017-08-01 10:08

Фужиан мужийн Худалдаа, аж үйлдвэрийн танхимын дарга Вэн Дун Сиан, БНХАУ-ын Фужиан муж барилга, орон сууц, барилгын материалын чиглэлээр Монголд хөрөнгө оруулалт хийх боломжтой гэлээ.

     УИХ-ын гишүүн, Монгол-Хятадын парламентын бүлгийн гишүүн Н.Оюундарь өчигдөр БНХАУ-ын Фужиан мужийн Худалдаа, аж үйлдвэрийн танхимын дарга  Вэн Дун Сиан, дэд дарга Мэон Жэн Тан болон Монгол Улс  дахь БНХАУ-ын Фужиан мужийн Худалдаа, аж үйлдвэрийн танхимын дарга Лэн Дун Шэн нарыг хүлээн авч уулзав.

       Уулзалтын эхэнд УИХ-ын гишүүн Н.Оюундарь хэлэхдээ, Монгол Улс БНХАУ-тай стратегийн иж бүрэн түншлэлийн харилцаатай байдаг. Түүнчлэн өндөр дээд хэмжээний уулзалтуудыг харилцан амжилттай зохион байгуулж ирсэн. БНХАУ-ын мужууд хил залгаа Монгол Улсын аймгуудтай эдийн засаг, худалдаа хамтын ажиллагааг хөгжүүлж байгаад талархалтай  байна гээд энэхүү харилцаагаа улам өргөжүүлэх хэрэгтэй гэдгийг илэрхийллээ. Мөн тэрбээр, УИХ дахь Монгол-Хятадын парламентын бүлэг болон Жижиг, дунд үйлдвэрлэлийн хөгжлийн дэд хорооны үйл ажиллагааны талаар танилцуулсан юм.

        БНХАУ-ын Фужиан мужийн Худалдаа, аж үйлдвэрийн танхимын дарга Вэн Дун Сиан, цаг зав гарган хүлээн авч уулзаж буйд УИХ-ын гишүүн Н.Оюундарьд талархал илэрхийлээд, Монгол Улсад Фужиан мужаас хөрөнгө оруулах сайхан боломж тохиож буйд таатай байна. Бид Монголын Худалдаа, аж үйлдвэрийн танхимын урилгаар ирсэн бөгөөд эхний ээлжинд барилга, орон сууц, барилгын материалын чиглэлээр хөрөнгө оруулалт хийх боломжтой. Цаашид хоёр орны худалдаа, хамтын ажиллагааг өргөжүүлэх чиглэлээр Монгол Улсын Их Хурал дэмжиж ажиллана гэдэгт найдаж байна гэлээ.

Үзсэн: 72

Сэтгэгдлүүд


account_circle
email
mode_edit

Сэтгэгдэл (0)

Энэ мэдээнд одоогоор сэтгэгдэл алга байна