Он гарсаар хоёр тэрбум ам.долларын эрдэс бүтээгдэхүүн экспортолжээ
Тавдугаар сард Лондоны металлын биржид нэг тонн цэвэр зэсийн дундаж ханш 5591.5 ам.доллар байсан нь өмнөх сараасаа 1.9 хувиар бага дүн юм.
Монгол Улс оны эхний таван сард хоёр тэрбум ам.долларын эрдэс бүтээгдэхүүн экспортолсон байна. Энэ нь өнгөрсөн оны мөн үеэс 56.5 хувиар өссөн дүн. Нийт экспортын 49 хувийг буюу нэг тэрбум ам.долларыг нүүрснээс бүрдүүлсэн байна. Гол экспортлогч “Эрдэнэс Тавантолгой” компани нүүрс худалдан авч борлуулах компанийг сонгон шалгаруулах тендер зарлаад байгаа юм. Мөн “Chalco” компанид зүүн Цанхийн нүүрсийг I улирлын ханшаар нь буюу тонныг нь 59.3 ам.доллараар борлуулсан хэвээр байна. Тавдугаар сард Лондоны металлын биржид нэг тонн цэвэр зэсийн дундаж ханш 5591.5 ам.доллар байсан нь өмнөх сараасаа 1.9 хувиар бага дүн юм. Үүнээс гадна боловсруулаагүй буюу хагас боловсруулсан алтны экспорт 30 хувиар буурч, 141.7 сая ам.доллар болсон байна.