Нүүрснээс нийлэг байгалийн хий үйлдвэрлэнэ.
Нүүрснээс нийлэг байгалийн хий үйлдвэрлэнэ.
Аж үйлдвэрийн яам болон Дэлхийн банкны төлөөлөл “Нүүрснээс нийлэг байгалийн хий үйлдвэрлэх үйлдвэрийн ТЭЗҮ боловсруулах” болон “Байгаль орчин, нийгмийн нөлөөллийн үнэлгээ” төсөлд гарын үсэг зурлаа. Эдгээр төслүүдийн нийт өртөг 1.8 сая ам.доллар. Төслийг хэрэгжүүлснээр цаг үеийн тулгамдсан асуудлын нэг болох төвлөрсөн хот суурин газруудын түлш, эрчим хүчний хангамжийг цогц байдлаар шийдвэрлэх юм. Монгол Улсын төвийн бүсийн хүрэн нүүрсний сав газрыг түшиглэн байгаль орчинд сөрөг нөлөөлөл багатай, нийгэм эдийн засгийн өндөр өгөөжтэй нүүрсний ордыг сонгож, үйлдвэр барих байршлыг нүүрс болон усан хангамжийн боломжтой уялдуулан тогтоох юм байна. Нүүрснээс нийлэг байгалийн хий үйлдвэрлэх үйлдвэр байгуулснаар Монгол Улсыг хийн түлшний эх үүсвэртэй болгох, түүхий нүүрсний хэрэглээг бууруулж, хэрэглэгчдийг экологийн цэвэр түлшээр хангах замаар агаарын бохирдлын асуудлыг шийдвэрлэх боломжтой болох юм. Төсөлд АҮЯ-ны Төрийн нарийн бичгийн дарга Д.Нямхүү, Дэлхийн банкны Монгол дахь салбарын төлөөлөл, “Green trends” төслийн гүйцэтгэх захирал Н.Энхбаясгалан гарын үсэг зурсан байна.
Үзсэн: 1025
Tweet