"Улаанбаатар өвлийн наадам" 2-р сарын 6-нд болно
"Улаанбаатар өвлийн наадам" 2-р сарын 6-нд болно
Олон төрлийн өвлийн спорт тоглоом, уламжлалт наадгайгаар тоглон, амралтын өдрийг гэр бүлийнхэнтэйгээ өнгөрүүлэх боломжийг олгодог “Улаанбаатар өвлийн наадам” энэ бямба гарагт Үндэсний цэцэрлэгт хүрээлэнд болно.Спорт тоглоомуудаас гадна халуун ундаа, зуушаар үйлчлэх тул гэр бүл, найзууд, хамт олноороо энэ сарын 6-нд 12-16.30 цагийн хооронд Үндэсний цэцэрлэгт хүрээлэнд хүрэлцэн ирэхийг зохион байгуулагчид урьж байна.
Нийслэлийн Аялал жуулчлалын газар, нийслэлийн Засаг даргын Тамгын газартай хамтран өвлийн болон тусгай сонирхлын аялал жуулчлалыг хөгжүүлэх, жуулчны улирлын хугацааг уртасгах зорилгоор “Улаанбаатарын өвлийн наадам”-ыг гурав дахь жилдээ зохион байгуулж байна.Наадмын үеэр уран гулгалтын болон тэшүүрийн үзүүлэх тоглолт, мөсөн шагайн харваа, мөсөн сурын харвааны мэргэжлийн тамирчид, жуулчдын тэмцээн, нохойтой чарга, өвлийн дугуйн аялал, тэмцээн болно.
Үзсэн: 1234
Tweet