Боржигины голомт Говьсүмбэр аймагт “Уран үгсийн чуулган” боллоо

Densmaa 2019-01-07 04:01

"Уран үгсийн чуулган буюу зохиолч уншигчдын уулзалт 1969 онд Баянхонгор аймагт болж байжээ.

   Монголын Зохиолчдын эвлэлийн 90 жилийн ойг угтсан арга хэмжээний нэг “Уран үгсийн чуулган” боллоо. Зохиолч уран бүтээлчдийг уншигч олонтой уулзуулж утга зохиол, яруу найраг, соёл, өв уламжлал, зохиолчдын намтар хийгээд сонин содон адал явдал, уран бүтээл, гэгээлэг бүхний тухай халуун яриа өрнүүлдэг дээрх арга хэмжээг “Их соёл-Их үндэс” хөтөлбөрийн хүрээнд зохион байгуулсан юм. Түүх сөхөхөд "Уран үгсийн чуулган буюу зохиолч уншигчдын уулзалт 1969 онд Баянхонгор аймагт болж байсан бөгөөд 1977 оноос МЗЭ-ийн бүгд хурлаар хөдөөгийн бүх дугуйланг Утга зохиолын нэгдэл болгон өөрчилж  1990-ээд он хүртэл аймгуудад ээлжлэн зохион байгуулж байжээ. Харин энэ уламжлалыг 2013 оноос дахин сэргээсэн байна.