Шууд дамжуулалтыг хийж алдаршсан Даррен Жэйсон Уоткинс Жр монголд хүрэлцэн ирээд байна
Даррен Уоткинс Жр нь монголын түүхээс илүү сайн суралцаж, түүхийн музейд саатан сонирхолтой аялал хийж байгаагаа дэлхий нийтэд түгээсэн байна
Цахим хуудсанд эрч хүчтэй, сэтгэл хөдлөлөө илэрхийлж, шууд дамжуулалтыг хийж алдаршсан Даррен Жэйсон Уоткинс Жр монголд хүрэлцэн ирээд байна. Тэрээр Улаанбаатар хотын талбайд зочилж, монгол хоолны соёлыг түгээж, урлаг соёлын ододтой танилцсан гээд түүний сонирхсон зүйл их байна. Цаг агаарын нөхцөл байдлыг урьдчилан тооцоолж байсан ч цас орсон энэ үед саатаж байгаадаа баяртай байна гэдгээ хэллээ. Улаанбаатар хотоос хийж буй түүний бичлэг хэдэн цагийн дотор олон мянган хандалт авсан аж. Даррен Уоткинс Жр нь FIFA, Fortnite зэрэг тоглоомын стрим, хошин бичлэг, reaction видеонуудаараа алдаршсан, 38 сая гаруй дагагчтай. Мөн Монголын түүхээс илүү сайн суралцаж, түүхийн музейд саатан сонирхолтой аялал хийж байгаагаа дэлхий нийтэд түгээсэн байна.