Дундаж орлоготой орнуудын хөгжлийн асуудлаар уулзалдав
Дотоодын нийт бүтээгдэхүүнээс өөр шинэ арга, аргачлалын үзүүлж болох үр нөлөөний тухай ярилцав
Дундаж орлоготой орнуудын хөгжлийн асуудлаарх НҮБ-ын өндөр түвшний уулзалт Нью-Йорк хотноо болов. Өндөр түвшний уулзалтаар “Тогтвортой хөгжлийн 2030 хөтөлбөр”-ийг хэрэгжүүлэх явцад дундаж орлоготой орнуудад тулгарч буй хүндрэл бэрхшээлийн талаар хэлэлцэж, дотоодын нийт бүтээгдэхүүнээс өөр шинэ арга, аргачлалын үзүүлж болох үр нөлөөний тухай ярилцав. Монгол Улсаас НҮБ-ын дэргэд суугаа Байнгын төлөөлөгч Н.Анхбаяр өндөр түвшний уулзалтад хэлсэн үгэндээ манай улс 2024 онд дунджаас дээгүүр орлоготой улс орны ангилалд орсон талаар мэдээлж, Далайд гарцгүй хөгжиж буй орнуудын асуудлаарх 2024-2034 оны Үйл ажиллагааны хөтөлбөр хэрэгжиж эхэлсэнтэй холбогдуулан тэдгээр улсын дэд бүтцийн хөгжлийг дэмжиж, хөрөнгө оруулалтаа нэмэгдүүлэхийг олон улсын санхүүгийн байгууллагууд болон хөгжлийн түншүүдэд уриалав.
Үзсэн: 77
Tweet