"Мазаалай-2025" Олон улсын мөсөн сийлбэрийн тэмцээн болж байна
Тэмцээнд ОХУ, БНХАУ, Малайз,Чех, Якут, Польш, Америк, Солонгос, Мексик улсаас 14 урлаач оролцож, дотоодын 6 багийн 28 уран бүтээлч сийлбэрээ урлаж байна
"Мазаалай-2025" Олон улсын мөсөн сийлбэрийн тэмцээн Үндэсний цэцэрлэгт хүрээлэнд болж байна. Тус тэмцээн Монголын өвлийн аялал жуулчлалыг хөгжүүлэхэд түлхэц болохоос гадна олон улсад өөрийн орныг сурталчилж буйгаараа онцлогтой. Монгол Улсад хоёр дахь удаагаа зохион байгуулж буй энэхүү тэмцээнд ОХУ, БНХАУ, Малайз,Чех, Якут, Польш, Америк, Солонгос, Мексик улсаас 14 урлаач оролцож, дотоодын 6 багийн 28 уран бүтээлч сийлбэрээ урлаж байна. Энэхүү тэмцээнийг 2024 оноос Соёл, Спорт, Аялал жуулчлал, Залуучуудын яамны санаачилгаар “SAVE MАZAALAI” үйл ажиллагааны хүрээнд Sky Resort цанын баазад анх удаагаа зохион байгуулж 7 орны 24 уран бүтээлч оролцож байв.
Үзсэн: 711
Tweet