Архангай аймаг аялал жуулчлалын брэнд бүтээгдэхүүнээ сурталчилжээ
Тус үзэсгэлэнд Майхан толгой жуулчны бааз, Их Улаан Шивэрт халуун рашаан, Өгий Далай ресорт, Жаран цагаан халуун рашаант амралт газрын төлөөлөл оролцжээ
Архангай аймгийн “Эртний нүүдэлчдийн өлгий” аялал жуулчлалын холбоо БНХАУ-ын Шанхай хотод зохион байгуулдаг Ази тивийн аялал жуулчлалын үзэсгэлэнд оролцлоо. Тус үзэсгэлэнд БНХАУ-ын аялал жуулчлалын зах зээлд Архангай аймгийг танилцуулах, аялагч, жуулчдыг Монгол Улсад зочлуулах зорилгыг өвөрлөн Майхан толгой жуулчны бааз, Их Улаан Шивэрт халуун рашаан, Өгий Далай ресорт, Жаран цагаан халуун рашаант амралт газрын төлөөлөл оролцжээ. Шанхай хотноо болсон энэхүү үзэсгэлэнд БНХАУ-ын 31 муж, өөртөө засах орон, төр засгийн газрын шууд харьяа хотын захиргаа, Хонконг, Макао, Тайванийн соёл, аялал жуулчлалын байгууллага болон аялал жуулчлалтай холбоотой аж ахуйн нэгж зэрэг 100 гаруй улсын холбогдох байгууллагууд оролцсон байна. Монгол Улс 54 м.кв үзэсгэлэнгийн талбай тохижуулан оролцож аяллын тур оператор 12 байгууллага оролцсоноос Архангай аймаг аялал жуулчлалын брэнд бүтээгдэхүүнээ сурталчилжээ.
Үзсэн: 940
Tweet