Жүдо бөхийн мастерс ангиллын дэлхийн аварга шалгаруулах тэмцээн болж байна
Гурван өдрийн дараахь байдлаар манай ахмад жүдочид хоёр алт, гурван мөнгө, гурван хүрэл медаль хүртсэн амжилттай явна
Жүдо бөхийн мастерс ангиллын дэлхийн аварга шалгаруулах тэмцээн АНУ-ын Лас-Вегас хотод болж байна. 69 орны 1200 гаруй тамирчин оролцож буй тус тэмцээний эхний өдөр манай жүдочид алт, мөнгө, хүрэл медаль хүртсэн. Тэгвэл олон улсын хэмжээний мастер А.Давааням 40-44 насны ангиллын +100 кг-д хүрэл медалиар энгэрээ мялаалаа. Харин тэмцээний гурав дахь өдөр М4 насны ангиллын 66 кг-ын жинд С.Чинзориг алт, +100 кг-д Б.Чинзориг мөнгө, О.Баярхүү хүрэл, М5 ангиллын +100 кг-д Ц.Очирбат мөнгөн медаль хүртлээ. Ийнхүү гурван өдрийн дараахь байдлаар манай ахмад жүдочид хоёр алт, гурван мөнгө, гурван хүрэл медаль хүртсэн амжилттай явна.
Үзсэн: 2278
Tweet