“Монгол Улсын эрчим хүчний шилжилтийг хурдасгах нь” сэдэвт хэлэлцүүлэг боллоо
Өнгөрсөн хугацаанд гарсан эрчим хүчний өөрчлөлт, АНУ-ын тусламжийн талаар дурдаад цаашид энэ салбар дахь хувийн хэвшлийн оролцоог нэмэгдүүлэх боломжтой гэлээ
“Монгол Улсын эрчим хүчний шилжилтийг хурдасгах нь” сэдэвт хэлэлцүүлгийг Монгол дахь Америкийн худалдааны танхимаас зохион байгууллаа. Энэхүү хурлаар Монгол Улсын Засгийн газрын эрчим хүчний реформ хөтөлбөр, зорьж буй үр дүн, боломж, сорилтуудын талаар хэлэлцүүлэг өрнүүлсэн юм. Тодруулбал, Монгол Улсын эрчим хүчний шилжилтийг урагшлуулах хүчин чармайлтыг дэмжих, улс оронд сэргээгдэх эрчим хүчний салбарын боломжийн талаар ярилцав. Тус хэлэлцүүлэгт АНУ-аас Монгол Улсад суугаа Элчин сайд Ричард Л. Буанган Монгол Улсын эрчим хүчний шилжилтийг урагшлуулах хүчин чармайлтыг дэмжих, улс оронд сэргээгдэх эрчим хүчний салбарын ямар боломж байгаа талаар танилцууллаа. Тэрбээр Монгол Улсыг эрчим хүчний реформ хийх гэж буйг онцлон сайшааж, өнгөрсөн хугацаанд гарсан эрчим хүчний өөрчлөлт, АНУ-ын тусламжийн талаар дурдаад цаашид энэ салбар дахь хувийн хэвшлийн оролцоог нэмэгдүүлэх боломжой гэлээ.
Үзсэн: 2597
Tweet