Элчин сайд Багдад Амреевтэй Истанбул хотноо уулзлаа
Тус Зөвлөлийн бүс нутагт гүйцэтгэж байгаа үүргийг өндрөөр үнэлэхийн сацуу Монгол Улс нь тус Зөвлөлийн үйл ажиллагааг анхааралтай ажиглаж байдгийг дурдав
Монгол Улсаас Турк Улсад суугаа Элчин сайд Р.Болд Түрэг хэлтэй улсуудын хамтын ажиллагааны Зөвлөлийн Ерөнхий нарийн бичгийн дарга Элчин сайд Багдад Амреевтэй Истанбул хотноо уулзлаа. Элчин сайд тус Зөвлөлийн бүс нутагт гүйцэтгэж байгаа үүргийг өндрөөр үнэлэхийн сацуу Монгол Улс нь тус Зөвлөлийн үйл ажиллагааг анхааралтай ажиглаж байдгийг дурдав. Элчин сайд Амреев Түрэг Зөвлөлийн үйл ажиллагаанд анхаарал хандуулж байгаад талархан, тус Зөвлөл нь хөрш орнууд, тэдгээрийн дотор Монгол Улстай яриа хэлэлцээ явуулахад ямагт нээлттэй гэдгээ илэрхийлэв. Тэрбээр Зөвлөлийн зорилго, үйл ажиллагааны талаар танилцуулж, тус байгууллага нь худалдаа-эдийн засаг, тээвэр, боловсрол, спорт зэрэг нийгэм, эдийн засгийн бүхий л салбарт өргөн цар хүрээтэй хамтын ажиллагаа явуулах сонитрхолтой байдгаа илэрхийлэв.