Үлэг гүрвэлийн араг яс бүтнээрээ олдсон нь дэлхий дахины анхаарлыг татаж байна
120 сая жилийн өмнө амьдарч байсан үлэг гүрвэлийг Монголын нэрт академич Р.Барсболдын нэрээр нэрлэжээ
Монголын говиос 90 сая жилийн өмнө амьдарч байсан үлэг гүрвэлийн араг яс бүтнээрээ олдсон нь дэлхий дахины анхаарлыг татаж байна. Энэ олдвороос Монголын говь чийглэг дулаан уур амьсгалтай, олон зүйл амьтантай байсныг дагуул судалгаагаар тогтоожээ. Үүнээс гадна дэлхий дээр 120 сая жилийн өмнө амьдарч байсан өөр нэг зүйлийн үлэг гүрвэлийн толгойн чулуужсан яс олсон байна. Түүнийг Монголын нэрт академич Р.Барсболдын нэрээр нэрлэжээ. Дэлхий дээр 400 гаруй төрлийн үлэг гүрвэл амьдарч байсан нь одоогоор тогтоогдоод байгаа юм. Үүний 80 гаруй нь буюу 5 үлэг гүрвэл тутмын нэгийг Монголын говиос нээн илрүүлсэн байдаг ажээ.