Монгол хэлний зөв бичих дүрмийн сургалтад 1000 хүн хамрагдав
Ерөнхий боловсролын монгол хэл-уран зохиол, түүх нийгэм судлал, бага боловсролын 700 багш, 200 сэтгүүлч, сэтгүүлчийн ангийн оюутнуудыг хамруулсан байна.
Олон улсын эх хэлний өдрийг тохиолдуулан "Монгол хэлний зөв бичих дүрэм”-ийн сургалт Монголын Хүүхдийн ордны хурлын танхимд боллоо. Сургалтад оролцогчдоор богино хэмжээтэй цээж бичиг бичүүлэн, алдсан үгс дээр нь тайлбарлаж өгсний зэрэгцээ, багш нараар самбар дээр бичүүлж, алдаа оноог нь өөрсдөөр нь ялгуулснаараа онцлог болов. Сургалтад нийслэлийн Ерөнхий боловсролын монгол хэл-уран зохиол, түүх нийгэм судлал, бага боловсролын 700 багш, 200 сэтгүүлч, сэтгүүлчийн ангийн оюутнуудыг хамруулсан юм.