Триатлоны Азийн цомын аварга шалгаруулах тэмцээнд амжилттай оролцлоо
Триатлон спортын "Ironman" клубын тамирчид 4 хүрэл медаль хүртлээ.
Триатлон спортын "Ironman" клубын тамирчид Триатлоны Азийн цомын аварга шалгаруулах тэмцээнд амжилттай оролцож дөрвөн хүрэл медалийг хүртлээ. Тус тэмцээний Өсвөрийн элит /Junior elite man/ болон 16-аас дээш насны эрэгтэйчүүдийн ангилалд өрсөлдсөн Г.Амарсанаа оролцсон төрөл бүртээ гуравдугаар байр, 13-15 насны охидын ангилалд Б.Биндэръяа гуравдугаар байр, 10-13 насны хөвгүүдийн ангилалд Э.Сайханбилэг гуравдугаар байрт тус тус шалгарчээ. Тамирчдыг Олон улсын Триатлоны холбооны зэрэгтэй, "Ironman" клубын үүсгэн байгуулагч, багш, дасгалжуулагч Э.Уянга, М.Цэнгүүн нар удирдан Азийн цомын аварга шалгаруулах тэмцээнд ийнхүү амжилттай оролцоод ирлээ.
Үзсэн: 1245
Tweet