БАТЛАН ХАМГААЛАХЫН САЙД Н.ЭНХБОЛД БНЭУ-Д АЙЛЧИЛЛАА
Манай Улсад жил бүр уламжлал болон зохион байгуулагддаг “Khaan Quest” энхийг сахиулах ажиллагааны олон улсын сургуульд БНЭУ-ын Зэвсэгт хүчнээс тогтмол оролцож, харилцан туршлага солилцдог.
Монгол Улсын Их хурлын гишүүн, Батлан хамгаалахын сайд Н.Энхболд 2018 оны 3 дугаар сарын 07-10-ны өдрүүдэд Энэтхэгийн Батлан хамгаалахын сайд, хатагтай Нирмала Ситараманы урилгаар БНЭУ-д албан ёсны айлчлал хийлээ. Албан ёсны уулзалт эхлэхийн өмнө БНЭУ-ын нийслэл Шинэ Дели хотын “Энэтхэгийн хаалга”-ны Дэлхийн I дайнд амь үрэгдсэн цэрэг эрсийн дурсгалын цогцолборт цэцэг өргөв. Батлан хамгаалахын сайд Н.Энхболдыг БНЭУ-ын Төрийн хүндэт харуул жагсан, тус улсын Батлан хамгаалахын төрийн сайд Субхаш Бамрэ угтан авлаа. Батлан хамгаалахын сайд нар хоёр орны харилцаа хамтын ажиллагааны талаар санал солилцож, цаашид Монгол Улсын Зэвсэгт хүчний албан хаагч нарыг БНЭУ-д үргэлжлүүлэн сургах, Монгол Улсын Зэвсэгт хүчний чадавхийг дээшлүүлэх арга хэмжээний нэг болох шат дараалсан сургалтад манай улсын Зэвсэгт хүчний бие бүрэлдэхүүнийг сургах чиглэлээр хоёр тал хүчин чармайлт гарган хамтран ажиллахаа илэрхийллээ.
Түүнчлэн Монгол Улсын Үндэсний Батлан хамгаалахын их сургууль БНЭУ-ын Үндэсний Батлан хамгаалахын коллеж хооронд хамтын ажиллагааг эхлүүлэх, Цэргийн эмнэлгүүдийн харилцааг хөгжүүлэх, эмч мэргэжилтнүүдийн чадавхийг нэмэгдүүлэх, харилцан туршлага солилцох чиглэлээр хамтын ажиллагаа өргөжүүлэхээр тохирлоо.
Манай Улсад жил бүр уламжлал болон зохион байгуулагддаг “Khaan Quest” энхийг сахиулах ажиллагааны олон улсын сургуульд БНЭУ-ын Зэвсэгт хүчнээс тогтмол оролцож, харилцан туршлага солилцдог. Мөн хоёр орны парламент хоорондын хамтын ажиллагааны чиглэлээр Энэтхэг, Монголын парламентын бүлгийн гишүүдтэй уулзалт хийж, харилцааны асуудлаар санал солилцсон уулзалт боллоо.
Үзсэн: 1340
Tweet